幸福班戟 (新城市廣場) (已結業)

返埋聽日就放假嚕，大家諗好去邊度食嘢未啊，而我今日就率先同朋友一齊去食咗個好幸福嘅班戟。😌😌係新城市廣場，好遠已經見到排長龍，越行越近，已經見到入邊嘅裝修好靚，係門口已經見到有個櫥窗，係可以即時見到師傅整緊唔同嘅班戟。既然都行到門口，梗係要入去食返個啦😎😎因為本人係朱古力控，咁梗係叫返個朱古力香蕉班戟。香蕉嘅感覺好似冇咁邪惡呀嘛，女人就係咁，又要威又要戴頭盔。☺️☺️唔使多講，一嚟到就已經好吸引，一盒入面有三個pancake，好好味呀。而且朱古力醬唔會太甜，溝埋一齊好夾。🤩🤩