L'AMOUR

營業中

休息中

呢間野都開左一段時間，終於有機會試。以大埔區黎講，定價十分進取。午餐入場價格較低，所以今日同朋友去左試下佢個lunch睇下個質素。嗌左兩個lunch set。Appetizer有蝶豆花木魚清湯配鯛魚刺身。上菜時有一細杯檸檬汁，加落蝶豆花湯道會變色，加上精緻擺盤，打卡一流。味道較淡，整體好清新。另一個Appetizer係鵝肝凍配酒釀提子。鵝肝凍creamy好香，帶少少甜。青提香甜，酒味唔明顯。幾好食，但感覺有d似甜品。湯係雜菜湯，偏酸。蒜蓉包香脆。主菜一個嗌左鵝肝＋牛柳 (medium)。牛嫩滑但牛味唔濃。鵝肝可能因為偏薄，味道亦唔濃。整體一般，無咩記憶點。另一主菜嗌左慢煮黑毛豬鞍。軟淋唔乾，淡淡豬味，加埋蘋果&蘋果蓉中和油膩，呢個幾好食。是日甜品tiramisu & 朱古力心太軟。中規中矩。 整理以言，出品唔差，賣相精緻。以大埔區黎講定價進取，但都算對得住價錢。大時大節或有野慶祝可以一試。