無肉食 (如心廣場二期) (已結業)

家人話要聚餐，已經好耐冇一齊出去食飯，又想食得健康d,食素都係一個唔錯既選擇！呢到以半自助餐既形式，先揀左一個主食，其餘既前菜，飲品，甜品，小食都可以出去拎。因為疫情期間啦，出去拎野食都要配戴口罩。一行8人，其實就嗌左幾個主食，不過有影相就得呢兩個。栗子腰果燉飯，軟軟懦懦，都幾好食。清淡。沙律酸酸地都幾開胃。黑椒蘑菇意粉，略厭意粉太淋，黑椒味好重。尖椒皮蛋唔夠味，普通。香醋雲耳幾爽口。炸春卷，熱辣辣，好味！葡汁菜都幾好食！都有小小甜品拎，都係普普通通。呢個價錢有半自助餐實在抵食，食物質素不可要求太高。