Café Crêpe (威靈頓街)

營業中

休息中

本身諗住去食Toro Toro，點知同同事去到餐廳先見到原來依家係做緊內部裝修。唯有落街睇下有咩食，經過依間crepe place，同事話不如試吓，原來係嚟自加拿大嘅分店。聽講一開始開舖嘅時候都幾轟動嘅添。一入去餐廳嘅感覺就係好大浸牛油味，因為門口附近職員喺度煮緊crepes。叫咗蒜香蜆意粉，上枱係非常有心思，一隻隻蜆咁樣圍住個碟邊，食落麵質係有嚼勁， al dente咁，鹹鹹地好好味。跟餐有餐湯同埋嘢飲。餐湯據職員說係每日都不同顏色嘅湯，叫七色心靈湯，好得意。今日就係橙色嘅甘筍湯啊，都唔錯，但係份量少左少少。總括而言，質量都OK。係價錢偏貴左少少，所以都唔會成日嚟食，除非有一日附近搵唔到位都可以再嚟試吓嘅。