滿泰

營業中

休息中

去旅行準備上機前當然係去搵下嘢食先啦，去到赤鱲角國際機場，通常我都會過完海關先食嘢，原來宜家裝修緊，所以剩返幾間鋪頭。行左好耐最後決定食滿泰，叫咗個香辣肉碎飯同埋泰式牛頸脊金邊粉。泰式牛頸脊金邊粉份量好少，呢個價錢一啲都唔值，食幾啖就冇，完全醫唔到肚，朋友食完之後話完全冇食過，仲係好肚餓，但味道都OK。至於香辣肉碎飯剛剛相反，勁大份，食到勁飽。味道都幾好食，有少少㗎，啲飯軟硬適中，建議食飯好過食粉。希望入面快啲開埋其他餐廳，等我哋可以多啲選擇。