我哋三個人叫咗一個二人套餐外加一份京式牛肉包
套餐入面包左四個小籠包
然後我哋揀咗兩個小食（花雕醉雞同雞絲粉皮）
主菜都有兩個，我哋揀咗酸菜炒腩片同埋蔥油雞
蔬菜就揀咗四季豆
仲包咗兩杯飲品同兩碗白飯
其實佢每樣嘢都好大份，所以我覺得三個人其實啱啱好
我本身唔係太鍾意食小籠包
但係我覺得佢個小籠包真係幾好食
個皮唔會厚但係亦都有肉汁
反而我哋另外加嗰個牛肉包我就覺得麻麻地
四季豆同炒腩片都正常又大份
反而個蔥油雞佢係凍凍地
因為我識開熱食，所以我就覺得有少少怪怪地
整體而言其實我覺得都真係幾唔錯
環境都算舒適
可能係因為新開
我哋走嘅時候老闆都有問我哋覺得有啲咩可以改進
態度好誠懇
希望佢可以做得長☺️☺️☺️
1
