文記車仔麵 (福榮街)

難得來到深水埗，一試出名既文記車仔麵，未食已發現枱上超過十種調味料，隨意調味！ 叫左瑞士汁湯底+豬紅+手打魚肉+菠菜，豬紅軟硬適中，但味道略淡，手打魚肉份量多，入口夠滑，不太彈牙，魚味咀略淡，菠菜份量多，夠翠綠，健康之選！瑞士湯汁，味道微甜，其他車仔麵店少有！

另外一碗腩汁湯底+豬大腸+魷魚+瑞士雞翼！瑞士雞翼入味豬大腸乾淨大件，油脂味香，出色，魷魚叫了不辣，正常合格！

飲品叫了鮮榨蔗汁，不太甜，微微蔗香，整體食物不錯，但未見太出色，不用排隊，可以一試！