燒肉の牛太・本陣 (創紀之城五期(apm))

營業中

休息中

途經觀磄，因為地鐵又壞車，於是決定去APM揾食，行左幾間都吾啱我家大小姐口味，最終大小姐話要食燒肉，其實入場前我完全吾知道此店只有放題無得散叫。6:20來到本陣，點知原來無book位就吾會有位，本來小姐叫我地等6:30如果book位嘅無到就可以俾張枱我地，最後6:35小姐叫我地同另外3位夾枱，仲要係一張卡位，我地坐裏面，叫野食真係好吾方便，不過大小姐想食，無計。餐廳有三種放題選擇：218,288,428，無論邊款都只食100分鐘，已連加一服務費，我覺得價錢都算ok。我見218都幾多野食，我地兩個人又吾食得多，所以要左218。同我地夾枱嘅就叫左288,我見佢地啲蝦都幾大隻。佢一開始就硬性規定先上一碟肉，有牛豬雞腸仔，啲肉幾靚，牛肋&一口牛最有牛肉味，我地encore左3次牛。日式燒肉無落調味，可能有人食吾慣甘淡，不過佢枱面有鹽有燒汁，我自己覺得佢個燒汁好好味我另外叫左雞脾菇粟米韓式小菜三味冷喬麥麵。喬麥麵吾錯，小菜嘅蘿蔔酸酸地幾好味，正啱食燒肉食得濟濟食。雞脾菇粟米就孤寒左啲，每次叫都只黎兩塊。我自己覺得埋單218以這個質數來說可以接受，值得推介。