囍公館 (已結業)

4個女子的晚餐疫情關係？客人唔多，環境尚算舒適。朋友推薦下點咗煙燻片皮鴨、海鹽爆腩仔、水煮魚，另外再點咗個上湯菜心、梅菜豬油飯。煙燻片皮鴨 - 確實比外面一般食到嘅油份多而香，肉質較嫩！餅皮屬薄。可惜佢將京蔥切碎，不及條狀的香。海鹽燒腩仔 - 非常鬆脆，配上芥辣醬完全沒有半點油膩感！水煮魚 - 對於鐘意食川菜且嗜辣嘅我感到非常失望。不辣不香，味道單薄，湯淡得可以直接飲，魚肉質屬滑，但有點過滑，感覺醮粉過多。另外上湯菜心 - 屬普普通通，而梅菜豬油飯 - 都有點失望，味道好似兒時用蒸魚嘅豉油撈飯一樣，食唔出半點梅菜味，豬油味亦沒有很重。