古早味澎湖台灣 (已結業)

今日我哋又嚟到紅磡覓食，由於最近太耐冇食過臺灣菜喇，又咁啱俾我哋見到一間古早味嘅臺灣菜，價錢都唔係好貴，噉就入去試下啦。女朋友話想食滷水嘢，噉梗係叫返個滷水拼盤喇。細嘅滷水拼盤衹能六選三，由於我哋好想食肉，所以就揀咗雞翼，腩肉，同埋豬耳，另外佢仲有滷蛋，大腸，同豬肚可以選擇。豬耳尚算香脆，雞翼同腩肉都入味嘅。櫻花蝦荷葉糯米飯。上菜嘅時候都幾靚仔，因為好多櫻花鋪蝦滿曬成個荷葉飯。雖然荷葉飯就唔算好大個，我哋都驚食唔飽，但食落其實份量都好足夠，甚至乎我哋都食唔曬添。糯米飯嘅味道都唔錯，唔會好肥膩。豆沙鍋餅。煎餅嘅麵粉味比較重，就算豆沙餡都覆蓋唔到佢嘅麵粉味，個人就覺得麻麻地。桂圓紅棗茶。桂花烏龍奶茶。桂圓其實即係干咗嘅龍眼，佢帶有小小清甜，唔會太上火。至於桂花烏龍茶嘅烏龍味就比較突出，不過桂花味就比較淡。總結嘅係呢間餐廳都係中規中矩嘅，不過佢有d視力都好特別嘅，譬如話醉雞卷等等，下次有機會都會嚟試嘅。