龍華酒店 (下禾輋)

營業中

休息中

唉，話說我的皇太后都很喜歡吃乳鴿。好啦，家姐就拉大隊一家人去食個飯。訂位。一行7個。去到：門口係算ok 的。但係行到盡頭，好光猛0個個廳──Sorry，你無份坐喎。帶你去邊呢？咪以前係客房宜家改裝左仲要燈都唔多盞既二樓閣仔囉。同樣價錢，同樣食物，佢俾個咁樣的位置你，客倌，你條氣順唔順先？乳鴿，除左以前雍雅山房之外，呢度都算出名啦……七隻乳鴿，全隻上。個個落手做原始人。乳鴿係有一定質素的。其他菜呢……京都肉排──我只見肥羔不見排。翠塘豆腐──還可以，不過無乜料到囉……之後唔記得叫過咩……最驚喜係那個桂花豆腐花，唔～呢個是值得一讚的。埋單肉赤死，一餐飯食左千幾蚊……完全覺得唔抵。後來睇返，呢個咁樣的地方，一罐汽水要三十四蚊？下？0個度通風又唔好，又黑媽媽，衰過大排檔，你一支汽水收我三四十蚊？有病。服務又唔係特別好啦，始終走上走落，貪好玩咩？！我地都唔好意思叫人行多幾次。洗手間，唔駛我多講，樓上樓下的都講：衰過公廁。