北海道牧場餐廳 (已結業)

是日到灣仔那邊上堂, 路過呢間餐廳, 所以同同事入左去食LUNCH, 但由於餐廳唔夠位, 我地一行8人分開左2張枱食LUNCH。我點了北海道套餐, 有叉燒通粉, 火腿炒蛋。由於我們坐了一陣都無侍應招呼, 於是我們以為要出去排隊落ORDER, 買完後先知原來唔駛排隊買, 我地同返收銀員講, 點知個收銀員用好惡咁話我們排錯隊, 話下次唔好再排响度, 我地即刻呆左, 洗唔洗惡到咁呀!!!!!!跟住我們坐左一陣, 我個餐要追左幾次先來, 個侍應有2次俾錯食物, D樣好似懶理不理咁, 目無表情。個牛奶炒蛋好滑, 好味, 份量適中, 但個叉燒通粉, 有雞湯既香味, 但係得2, 3粒叉燒.....唔份量勁少, 唔夠飽。個多士焗得鬆脆可口, 幾有牛油味。呢間野真係唔會再幫襯, 如果我唔係趕時間, 一定會向經理投訴佢既員工駡客人, 今時今日咁既服務態度!!!!!!!!忍唔住要上來不吐不快。