牛肉湯，好有牛味，食到蕃茄酸味，好好飲。
野莓沙律。清新鮮甜，生果同菜都好新鮮，雞肉唔鞋，好嫩口，琥珀合桃好香，個紅莓油醋汁好點睛，好食。
海鮮墨魚汁意粉。醬汁好Creamy，意粉彈牙，ok ！唔難食。
美國封門牛柳。叫咗medium，火喉啱啱好，好嫩，有牛味，唔錯。
烤波士頓龍蝦尾，都算鮮甜爽口，好食。
Tiramisu，好甜，唔係好食到酒味，麻麻哋。
整體用餐體驗係開心嘅，不過有少少插曲，就係米奇喺迪士尼過咗嚟，雖然冇親眼見到，但都嚇到驚惶失色，店員好快幫我哋轉咗枱，仲主動問我哋需要啲咩，Service recovery 做得快恨準。其實發生呢啲情況有好多因素嘅！我相信間間餐廳都會有，係你知唔知㗎姐！嘢食真係唔差，係Tiramisu差少少。可以俾次機會佢試下。
