Sorriso意大利餐廳 (已結業)

十月廿三日係結婚週年, 老公神秘地帶了我上i square Sorriso 晚飯, 老公book了window seat (有min. charge $400- 尚可接受) , 位於廿九樓, 居高臨下, 見到維港靚景, 心情原本大靚!我地order 左一個dinner set 同rib eye 加 crab trio, 首先, 講講個海鮮湯, 賣相兀突, 味道似蕃茄開水 ,仲要係稀嘅. 再講生蠔, 小而乾, 味道淡淡的, 再來carb trio 水準沒甚驚喜, 不值一提! 跟住同老公呆等左廿分鐘, 先有main course食, 龍蝦意大利粉, 龍蝦大拿拿得半隻, 意粉除了鹹, 就食唔到其他味道. Rib eye 一如所料地 Overdone, 我地叫左五成熟, 結果約八成吧! 值得一讚係side dish 個薯條好食, 夠熱!夠香! 夠脆! Dessert係心太軟配雪糕, 濃濃嘅朱古力流心, 外脆內暖, 略嫌size細左啲.最後埋單$14XX- , 呢個價錢食如此質素嘅食物, 仲有咁多人幫襯, 我大概係偏離了大眾的口味吧!