瀛舍 (已結業)

韓舍變左瀛舍，本來諗住呢度幾個食評都好好，加上佢地同一個集團，估計應該差極有個限度，所以今日就去試下。。。點知 。。中晒伏。。。有熟食同甜品區（同之前韓舍一樣），而落單既款式唔算太多，我地樣樣點左dd，d野黎到，個樣係幾靚，點知食落口就真係好唔ok囉，該熱既又唔熱，個燒雞腎仲未熟血紅色架。。。真係好失望。。而服務就。。。。。部份好好，部份差差地，話說，我地已經食到好飽，突然有個侍應拎左一大碟天婦羅黎，我地就同佢講我地已經食左，之後佢勁黑面勁惡死咁話，係你地點架，天婦羅黎架，我地就話我知係天婦羅，咁唔係我地叫架喎，佢之後就好唔憤氣咁拎起碟天婦羅，厲住我地嬲爆爆咁走，點知佢行左2步自己睇清楚張落單紙，就將碟天婦放左去另一邊一張枱度。。。。佢唔好意思都冇一句，唔緊要，點解仲要好似我地唔岩，想殺人咁制，真係傻眼環境同之前一樣，可能之前有燒烤爐所以唔覺凍，依家轉左做日本野，個冷氣變得好凍，希望佢地留意下，同埋唔知點解佢地開冷氣仲要開風機，又嘈又凍。。。。。好難明價錢同一般放題差唔多，平均2百幾一位，唔算貴，但以呢個價錢，荃灣會有好多比佢優既選擇。我唔會再黎，亦唔推介。