御滿屋日本料理

營業中

休息中

10月係馬來西亞榴槤嘅當造期，難怪最近有唔少日式餐廳都推咗新menu啦，呢間日式放題店喺正旺角地鐵站出面，主打任飲任食120分鐘日式料理，總共四個套餐，可以按餐牌食物選擇～ 身為榴槤控，最值得讚嘅莫過於呢度食任何組合放題都可以免費升級無限任食馬來西亞榴槤，有烤有唔烤，榴槤烤至微焦，濃濃香氣撲鼻而來，口感軟滑又香甜、唔烤嘅話就似食緊雪糕，凍冰冰感覺無咁膩，兩款各有千秋，簡直係人間享受，食極唔厭，忍唔住一個接一個🤤刺身同壽司有好多選擇，如果要揀嘅話會推火炙款式，海鰻、芝士醬燒青口、牛肉、左口魚邊、蒜香牛油熟帆立貝、三文魚，仲有牛油果蟹肉他他、芝士肉醬玉子燒、牛油果忌廉芝士、芝士吉列蝦、芒果加州卷等創意料理，勝在嚿飯唔大而且醬汁夠多，易入口得嚟唔怕食到太飽👍🏻燒同炸物方面都幾有驚喜，羊架大大塊，啖啖肉又多汁、帆立貝鮮甜可口、雞翼外脆內滑、粟米淡淡牛油香氣、彈牙蝦球配上青芥末好fusion、吉列炸蠔酥脆可口、天婦羅都比想像中多肉、唔夠飽嘅仲有飯麵供應，值得一試嘅有瑤柱海皇粥，熱辣辣，煮得夠融，好暖胃🔥自助區仲有多款甜點、飲品、前菜小食、炸物、熟食等提供，記得要留肚飲返碗佢哋嘅靚湯，飲到有粟米蘿