沐淳 (已結業)

前排見唔少foodie推介元朗呢間嘅芋頭鮮奶，作為一個芋頭鮮奶控，當然一早已經bookmark左。早兩日終於有機會來元朗飲到，結果好飲程度超乎我所望！如果你都鍾意芋頭奶，呢杯野真係不容錯過🤤！。・⊳ 芝雪大甲芋頭鮮奶加芋圓✨聽個名都知呢杯野真係勁邪惡，不過我鍾意😂 雖然主角係芋頭，但估唔到表面嘅芝士奶蓋都咁高質，芝士味勁濃郁，飲得出係真材實料打出來。主角嘅大甲芋頭打到好綿密，芋頭味勁香，同明治鮮奶溝埋一齊真係好好味呀，係我想要個隻味😋 而芋圓口感十分Q彈，味道唔錯，比起普通珍珠我更鍾意呢個芋圓🤤 另外值得一提嘅係好難得呢間嘅芋泥唔會過甜，唔會俾個甜度破壞左芋泥嘅香味，啱哂我呢啲好怕甜野嘅人😌 ⊳ 芝雪芒芒沙沙🥭朋友叫左呢杯都讚不絕口，飲得出係用新鮮芒果🥭攪出來。原汁原味，甜度亦適中，炎炎夏日用來解渴真係一流🌞 鍾意芒果嘅朋友可以試下😋・總括來講沐淳嘅出品飲得出係真材實料，值得一飲再飲！希望來緊會開多啲分店啦，元朗國真係有點遠呀