金泰園 (已結業)

入嚟屯門探朋友，指定動作食好D,好耐冇嚟過安定商場，原來宜家裝修得好靚，食呢間金泰園都好喎。睇下食咩先，呢個二人餐好多嘢食，啱晒！泰式酸辣鳳爪，酸得來微辣，正！馬來盞炒雜菜，啲菜唔會太過火，炒得夠香有辣味。泰式咖喱大蝦，大蝦開邊大大隻，炸得香脆可口，配埋香濃咖喱汁，好香咖喱味！仲附送蒜蓉包，蒜蓉包炸到金黃香脆，咬落颯颯聲。泰特色海南雞，滑滑無骨海南雞，啖啖肉，我最愛。泰式蝦頭油炒飯，飯粒炒得好鬆，粒粒分明，有蝦香味。飲品叫咗龍眼冰同紅豆冰，龍眼冰有好多龍眼肉，夠甜。紅豆冰好有椰汁香，要一飲再飲。跟餐仲有甜品送呢。