影片
更多
2015-07-14
3218 瀏覽
朋友介紹黎呢間開左無耐既酒店食生日飯buffet, 話呢間佢食過好想翻兜, 佢上次黎食話有生蠔/龍蝦/長腳蟹及各樣海鮮任食, 仲唔駛排隊咁正! 見佢平時已經係周圍去食正野既識食之人, 仲想翻兜所以都抱住有要求既心態黎食, 果然不負眾望, 真係一試難忘, 真係堅正! 首先上到1樓buffet大堂即感覺行型格路線, 沿路入場已經滿坐人, 平日都坐滿証明我無黎錯. 呢度食物種類好似不多, 但又中日韓意樣樣有齊. 算係唔錯. 沙律吧有黑毛豬及自調沙律盆, 感覺唔錯, 雖然我自己少食沙律, 但可以按自己口味自制加自己喜歡既醬汁拌勻, 食起上黎朋友話覺得味道均勻! 呢個安排睇得出酒店都幾細心.由於此行衝著食海鮮飽既心態, 於是一黎即去拿第一盆生蠔, 當晚供應有兩款蠔, 一款美國, 另一款愛爾蘭, 本人鍾意食無添加, 係無加任何醬汁檸檬之類下, 第一盆5隻生蠔好快已經被我食哂, 本人一向覺得美國蠔不是我杯茶, 所以只食左一隻, 之後主攻愛爾蘭, 見開蠔師傅都密密手, 兩種生蠔源源不絕供應, 真係辛苦哂. 結果我係食左超過一打! 我地一行六人個個都食左超過一打生蠔, 真係開心到爆!今次無龍蝦
首先上到1樓buffet大堂即感覺行型格路線, 沿路入場已經滿坐人, 平日都坐滿証明我無黎錯. 呢度食物種類好似不多, 但又中日韓意樣樣有齊. 算係唔錯.
沙律吧有黑毛豬及自調沙律盆, 感覺唔錯, 雖然我自己少食沙律, 但可以按自己口味自制加自己喜歡既醬汁拌勻, 食起上黎朋友話覺得味道均勻! 呢個安排睇得出酒店都幾細心.
由於此行衝著食海鮮飽既心態, 於是一黎即去拿第一盆生蠔, 當晚供應有兩款蠔, 一款美國, 另一款愛爾蘭, 本人鍾意食無添加, 係無加任何醬汁檸檬之類下, 第一盆5隻生蠔好快已經被我食哂, 本人一向覺得美國蠔不是我杯茶, 所以只食左一隻, 之後主攻愛爾蘭, 見開蠔師傅都密密手, 兩種生蠔源源不絕供應, 真係辛苦哂. 結果我係食左超過一打! 我地一行六人個個都食左超過一打生蠔, 真係開心到爆!
今次無龍蝦供應, 改為冰鎮鮑魚, 未食都想像唔到會係咩味道, 結果試左都係好好食, 但就好難形容, 有D似滷水味但又唔係, 總之就好好食, 鮑魚軟硬度啱啱好! 有超過大半隻手掌咁大隻, 我自己食左好多隻
當日又有英國麵包蟹, 肉厚多膏, 肉質鮮味.
長腳蟹好新鮮, 一D都無雪藏味, 仲保留住海水味.
翡翠螺我就無食, 但朋友話都好好味. 魚生當日有三文魚/油甘魚/八爪魚等等, 新鮮肥美. (顧住食唔記得影相)
湯方面, 有粟米魚肚羹及南瓜湯, 兩種都啱啱好, 唔會過咸又唔會過濃. 真材實料. (顧住食唔記得影相)另一主打有酒店自家制意大利麵, 試左墨汁墨魚味, 自己撰拌少量蜆肉, 味道剛好, 麵有口感.(顧住食唔記得影相)
熱盆有黑毛豬屮燒, 幾爽脆! 仲有炒蟹, 魚柳, 串燒, 天婦羅蝦, 焗蠔及其他中式燒味, 雖然無樣樣嘗試, 但賣相唔錯.
甜品方面, 中式既有蛋白杏仁茶, 西式既有唔同味細細粒既馬卡龍, 精緻又好味, 味道唔太甜, 我覺得剛剛好. 芒果布甸好多果肉, 一個人食幾杯, 嘻嘻. 呢度哈仔雪糕都有3種味道, 有coffee, oreo, stawberry, 仲有韓國粒粒雪糕, 士多啤梨味非常清, 好好味, 呢個仲食左兩杯tim!
由於慶朋友生日, 訂位時問酒店有無特別優惠, 原來佢地有免費送出甜品併盆, 仲附送生日朋友名牌, 甜品係甜品區無既, 覺得好有心思, 味道又好, 朋友大讚!
最後不得不提服務員基本上見你食哂/離坐佢即黎收碟, 係滿坐既情況下, 呢個服務真係唔錯.總括黎講, 呢個價錢食到咁有質素既海鮮, 仲要源源不絕供應, 真係不可多得, 絕對無唔encore既理由, 真係食完第二日仲好想去食!
張貼
