影片
更多
2022-10-10
1236 瀏覽
🌟老公生日帶佢去好啲嘅餐廳食飯，提早幾日已經打電話book定位request坐窗邊。當日去到餐廳見到仲有位置，但係餐廳都表示其實已經full Booking，特別係室外地方已經坐滿人。🌟本身滿懷歡喜諗住去試佢個5 Course menu，但當日只剩下Seasonal Tasting Menu。無奈嘅係，呢個menu圍繞着sake，孕婦食得嘅嘢好少。所以最終淨係嗌咗一個Tasting menu俾老公，自己散嗌咗一個意大利雲吞就算。事關個Menu根本冇嘢好食，海膽又話冇(睇OpenRice好似係餐廳招牌菜)，羊架又話冇…🌟芒果蟹肉他他上邊層芒果啫喱都幾夾，下面蟹肉個調味太勁，完美遮蓋蟹肉味道，非我口味。🌟忌廉蠔湯佢將啲蠔打碎混入個湯度，有創意，但味道唔算驚人。🌟清酒煮青口偷食咗一啖，sake味好重，還可👍🏻🌟明太子帶子意粉我諗係全晚最好食嘅一道道菜，但記憶好似又係用酒煮，所以只係食咗一啖。🌟菠菜雲吞呢個係散嗌比自己食，正常意大利雲吞味道，唔算驚艷。🌟唔知乜嘢燒汁豬腩肉配蘋果蓉老公話見到蘋果蓉所以想嗌，嘢食嚟到我呆咗，個樣有啲似拉麵舖嘅肥豬肉菜式🤨味道冇話好差，但係我覺得唔值呢個價錢。🌟芒果
🌟老公生日帶佢去好啲嘅餐廳食飯，提早幾日已經打電話book定位request坐窗邊。當日去到餐廳見到仲有位置，但係餐廳都表示其實已經full Booking，特別係室外地方已經坐滿人。
🌟本身滿懷歡喜諗住去試佢個5 Course menu，但當日只剩下Seasonal Tasting Menu。無奈嘅係，呢個menu圍繞着sake，孕婦食得嘅嘢好少。所以最終淨係嗌咗一個Tasting menu俾老公，自己散嗌咗一個意大利雲吞就算。
事關個Menu根本冇嘢好食，海膽又話冇(睇OpenRice好似係餐廳招牌菜)，羊架又話冇…
🌟芒果蟹肉他他
上邊層芒果啫喱都幾夾，下面蟹肉個調味太勁，完美遮蓋蟹肉味道，非我口味。
🌟忌廉蠔湯
佢將啲蠔打碎混入個湯度，有創意，但味道唔算驚人。
🌟清酒煮青口
偷食咗一啖，sake味好重，還可👍🏻
🌟明太子帶子意粉
我諗係全晚最好食嘅一道道菜，但記憶好似又係用酒煮，所以只係食咗一啖。
🌟菠菜雲吞
呢個係散嗌比自己食，正常意大利雲吞味道，唔算驚艷。
🌟唔知乜嘢燒汁豬腩肉配蘋果蓉
老公話見到蘋果蓉所以想嗌，嘢食嚟到我呆咗，個樣有啲似拉麵舖嘅肥豬肉菜式🤨味道冇話好差，但係我覺得唔值呢個價錢。
🌟芒果糯米糍配綠茶雪糕
最有驚喜嘅位置係我預早打電話同餐廳講想甜品寫Happy birthday。佢上碟嘅形式係用一塊硬膠當碟，裏面攝一張打印嘅Happy birthday A4紙。
成件事係有驚喜，好啱打卡。甜品正正常常，估佢都唔係自己整。
🌟作為孕婦嘅我對於呢間餐廳好失望，不過可能只係因為我係孕婦嘅角度。但係如果約朋友Friday Night食水煙、飲酒、睇景呢度應該係唔錯嘅選擇。
🌟絕對值得一提，近窗邊嘅位置坐得超級唔舒服，梳化位頂腳，對面嘅座位高度好高，搞到好似見家長咁。枱與枱之間嘅距離好近，隔籬枱講咩全部聽一清二楚😒
張貼
