鮮芋仙 (創紀之城五期(apm))

營業中

休息中

第一黎觀塘食, 雖然見到好多人排隊買外賣, 但見到個叫號牌只需要等10 張飛就到, 拿拿林就襟左張票, 跟手落去行超市。行左一大輪, 耐過預計勁多, 諗住死LA 實過晒號碼, 唔知有無得補飛呢?  點知行左大半個鐘 都只係郁左3 個號碼!!!跟住等左好耐好耐, 終於等到入座就知咩事,  個場細到呢~~~ 等10 個號碼其實要等全場清空一次先到我,仲要每人一定要食一樣, 就算叫果D 大刨冰都唔可以二人叫一個, 我見到有兩個女仔可能係第一次食大刨冰, 唔知有幾大碟, 拎完返黎O晒咀。糖水係幾好食既,  但呢間真係千其唔好堂食, 或請注意唔好以為少人等就好快, 隨時等死你。