五要素食堂 (已結業)

已1:45，肚餓，經過，餐牌吸引，掃碼攞位，一位似印度裔服務員招呼，要講英文，冇問題，問我幾多位，回「一位」，呢兩張兩人枱你揀一張，一張喺路口、另一張就係同另外兩位客人隔離，隔住塊透明膠，眼見少客，已有三張四人枱同多張兩人枱都吉嘅，但係問極都唔俾我揀張四人枱坐。食物方面，洋蔥湯好味，加咗啲磨菇碎，有咬口，薯仔沙律味道算適中，醬底唔太咸唔太酸，混入青瓜片，青瓜片脆口嘅，薯仔粒較細粒，A4 牛肉飯擺盤靚，但見牛肉冇微紅，大鑊，應該係過熟，A4唔怕，點知牛肉啲質地同一塊8成熟嘅超市西冷冇分別，飯底係配有醬汁、紫菜碎、乾紅椒絲、乾蒜頭片，味道唔錯。總結：失望，因為牛肉唔似A4，如果係，煮嗰位請轉行，不要再浪費食材，服務死板，咁如果食物同服務都有問題，仲去？埋單$130，已包加一。