MOS Burger (已結業)

早排食完Triple O之後，像上了癮。約了朋友晚上食飯(等得佢放工基本上等同食宵夜)。鬼咁肚餓，仲有成三粒鐘先夠鐘，點都要食少少頂住。於是去朗豪坊食個Burger。咪話我大鄉里，真係第一次食呢間Burger。睇佢既易拉架d漢堡好似好巨型，都唔敢叫餐，只係要一個元氣漢堡加杯大可樂。等了一會，漢堡和汽水來了。個漢堡好似細左幾個碼，只係比麥記既飽大少少，與廣告的實在差距太大。冇所謂啦，反正晚上都約左人食飯，只係頂吓肚。牛肉、蕃茄、生菜，元氣漢堡似乎冇咩特別。味道也不是特別好，只是牛肉略比老麥的好一點。雖然唔貴，但就唔係食友講得咁好。寧願加點錢去三個O或者蘇絲和推介個間野仲好。