千両 (已搬遷) 新店位置

3月23日,去睇《江山美人》, 一早決定黎食, 因為呀菲未食過, 就試下哩間以貴價魚生作招徠既高級元氣, 都幾多人, 等咗一陣位就有得食喇~食咗10碟, 壽司有魚生, 炸物, 軍艦……迴轉帶上都好滿, 師傅亦不停製作壽司, 所以d食物感覺上黎幾新鮮, 唔錯~ 魚生果然係高級d, 都幾大件幾鮮~ 甜蝦刺身都幾大, 有5隻, 鮮甜味夠~ 不過其他略為普通, 以哩個價錢不如食番元氣, 再想講下個有d期待既軟殼蟹手卷, 我食過幾次, 今次水準最差, 之前食既都係即叫即整, 軟殼蟹熱辣辣好脆, 不過今次凍冰冰, 等我仲推介俾呀菲添……其實千両除咗魚生之外, 其他都唔係太特別, 對於不太多食魚生既我地就唔係好突出, 至於如果我地想食魚生都係以峰壽司為先吧~ 綠茶粉都係用同元氣一樣既, 反而wasabi有唔同, 好粉多wasabi味~ 最後一提, 原來個menu係有漏架, 揾黎揾去都冇軟殼蟹卷(有2件嗰d), 不過係有得叫架~