agnès b. LE PAIN GRILLÉ (已結業)

收工未夠六點半咁早到，搵左陣先見間舖，外面係agnes b買衫，行到入面先係餐廳，成間舖設計得好古怪! 一早到又無咩人，無訂檯，點知個侍應安排坐貼住正正門口一排中間的位置，又窄又迫，去邊度都會經過又睇到既位置，但入面得3張檯係有客人，我唯有問有無其他位置，佢先安排入面既檯! 最奇怪係坐坐下隔離都係無訂，但可直接安排住入面，一開始感覺已不好，直到臨走前都無一直再無客人嚟，咁點解咁多吉檯都咁安排呢!?

新鮮無花果

$88

無花果沙律，真心好味，只要材料新鮮就可以，新鮮無花果好清甜，配hamham味道好夾，可惜亦係成餐唯一好味既食物。

唔好食，海鮮未熟

$8148

海鮮意粉(份量偏小)，有2粒帶子，2隻蝦球，8小隻青口，蕃茄底扁意粉普通，意粉有d偏軟身，帶子未熟，蝦球過熟並無咩味，青口熟同唔熟又間，食左一口已叫侍應更換，之後果碟所有無變，除左帶子煎番熟。

廚得過熟令比目魚''鞋''口，唔好食

$188

比目魚伴沙律，比目魚又係過熟引致”鞋”口，而且份量又係偏小。

好失敗的焦糖燉蛋

$58

最後焦糖燉蛋又係失望，外層焦糖只係微微既暖並過份硬，燉蛋凍冰冰，只係個星星杯靚。
請都唔會再嚟，服務差，食物差，埋單5百幾，問自己食左咩，得無花果沙律，唯有再去其他舖食過吧!