前排一直想試，有次出街同朋友想去食 去到點知已經full booking，唯有同朋友食其他啦。不久後 老豆生日 提早左一星期打電話去book枱 一同四人。
老豆生日當日，我同屋企人早左十分鐘到達餐廳，安排入座然後我們就去點餐。點完餐 我同媽就去洗水間。（其實主要係同侍應講番個甜品想加字寫happy birthday Daddy 但原來連寫字比驚喜都係要提早通知 侍應提議不如就甘樣一支蠟燭啦 冇辦法之下唯有甘樣 真係好失望
）
提一提番，餐廳係沒有洗手間 要出去廣場的洗手間。
不久，食物都逐一送上 先係哥哥的意大利飯 非常香 但份量就真的太少 吸引左相機食先
幾分鐘後其他食物都到齊
食完主菜，就甘樣叫侍應起埋甜品。佢地都好醒目幫我地點埋蠟燭送上來 而且仲會播埋生日歌比全場一齊同您分享呢一刻
。(圖中既甜品份量係兩份，假設你地係叫 Dinner Set 甜品係需要另外追加的）
飲品方面其實我係抱住左期待既心情來到。但因為本人吾飲咖啡 都吾想飲奶茶檸茶檸水。所以我自己就叫左杯薄荷朱古力(好飲但都真係好細杯)，同埋菠蘿果汁(好鮮甜但都係好細杯)、咖啡、凍野苺果茶(相反呢杯好大杯,可能係因為用果泥沖 成本比較低吧)
埋單千幾蚊，一千一百有找。(另外佢地都有草印仔優惠 食滿$100即一個印 滿$200即兩個印 如此類推。所以我依加有十個印 下次番去食會送我一個甜品
）
總括來說：
不論係食物、環境、清潔、服務態度 都十分好！
唯獨美中不足就係生日字 必須要提早預約！
