北京水餃店 (已易手) 新餐廳

今日下晝又要食自己。天氣熱就唔多想食米飯。醒起呢間未試過，就過嚟食吓...鋪頭好細，只得四五張枱。聽見老闆一邊包餃子，一邊同D客用純正北京話吹水，好有北京小店feel。再望見周圍貼有老闆跟眾明星嘅合照，心諗呢度差極都應該有限gwa...order咗水餃麵、餡餅及豆漿。麵湯底頗鹹，再加埋D雪裡紅，正式鹹上加鹹；麵不算太煙靱，普普通通；水餃係傳統北京style --- 非常大隻，皮係無我想像中咁厚；餡份量足，亦有幾多湯汁，確實係水準之作；餡餅比我想像嘅細個。最失望係阿姐將個餅五馬分屍，用剪刀剪成四嚿...哎吔..就算個餅內有幾多湯汁都無用la...好氣餒。味道普通，唔夠厚福街嘅唯一好食。豆漿係用來貨嘅，但求解渴都OK ge..份量夠足，食得飽飽，但得唔到心靈上嘅滿足。