影片
更多
2012-06-03
107 瀏覽
呢次唔係第一次去那霸食飯, 但係會係最後一次. 即使好食都寧願去第二間.今次夜晚去, 七八點, 唔爆, 入座只得半成左右. 隔離枱客一家四口應該係熟客, 有個女侍應由頭到尾每隔五分鐘就埋枱吹水, 噓寒問暖, 好多follow up, 爭在未餵埋個客食. 開頭覺得咁既服務好周到好貼身, 抵佢評價咁好. 點知一路食一路睇得出個分別. 對熟客同生客係兩種語氣兩種態度.我地兩個人叫左3餸1飯1冷面. 落完單就俾人ignore, 冇serve前菜(定係熟客先有?), 等廿分鐘上菜, 食左3/4仲爭個冷面未到, 以前點過冷面, 都唔駛等咁耐, 唔知係咪漏單, 同果個女侍應講(係熟客枱同一個女侍應), 佢眼尾都唔望你一眼冇尾音應你一句"得我去睇下", 行開完一陣又返熟客枱傾計, 一直冇再理過我地果枱. 到最後食完野個冷面都係未黎, 不如CANCEL左佢啦, 同一位著西裝既先生講(唔知係咪經理), 佢就話好快到, 我地真係唔想等, 已經乜餸都食完咪即係叫一個人坐係度呆等另一個人食完? 呢個時候佢地就上得快, 唔駛5分鐘就到, 一黎就擺低轉身走, 慌死我地講多一句CANCEL.最後食左兩啖冇食 (其實冷
今次夜晚去, 七八點, 唔爆, 入座只得半成左右. 隔離枱客一家四口應該係熟客, 有個女侍應由頭到尾每隔五分鐘就埋枱吹水, 噓寒問暖, 好多follow up, 爭在未餵埋個客食. 開頭覺得咁既服務好周到好貼身, 抵佢評價咁好. 點知一路食一路睇得出個分別. 對熟客同生客係兩種語氣兩種態度.
我地兩個人叫左3餸1飯1冷面. 落完單就俾人ignore, 冇serve前菜(定係熟客先有?), 等廿分鐘上菜, 食左3/4仲爭個冷面未到, 以前點過冷面, 都唔駛等咁耐, 唔知係咪漏單, 同果個女侍應講(係熟客枱同一個女侍應), 佢眼尾都唔望你一眼冇尾音應你一句"得我去睇下", 行開完一陣又返熟客枱傾計, 一直冇再理過我地果枱. 到最後食完野個冷面都係未黎, 不如CANCEL左佢啦, 同一位著西裝既先生講(唔知係咪經理), 佢就話好快到, 我地真係唔想等, 已經乜餸都食完咪即係叫一個人坐係度呆等另一個人食完? 呢個時候佢地就上得快, 唔駛5分鐘就到, 一黎就擺低轉身走, 慌死我地講多一句CANCEL.
最後食左兩啖冇食 (其實冷面就好似白飯咁, 冇餸既時候唔會捧住係咁食, 猶其當個冷面唔係特別好食同埋谷住道氣果時). 埋單果時佢地一句道歉一句唔好意思都冇. 我唔介意呢次俾埋個冷面錢當買個教訓, 以後都唔黎.
唔知係咪因為張單係幾百蚊同幾千蚊既分別, 原來生客同熟客既待遇可以咁差天拱地, 咁樣做生意, 不如喺門口掛一個"只招待貴賓"既牌?
張貼