影片
更多
2016-08-24
226 瀏覽
因為一碗牛犇麵、一碗特色餃子而吸引我，起初我隻佬對呢間小店冇咩興趣，佢話個店名好"Leung", 雖然個名有點土氣，但見佢打正旗號甘叫餃子店，我諗佢啲餃子應該唔錯既，最後入左去食。一入去，四周擺設都好古色古香，傳統既中國餐廳，環境乾淨，但台與台之間太近，食客背靠背甘食野，話哂佐敦旺區，小店租貴，都算啦。但服務真係唔得，雖然佢地好熱情，得有點過火，我地一坐低，就問我地食咩，好似準備要你落order甘，我話未睇餐牌。隔一分鐘都冇，又第二個丫姐問我地食咩！唉，仲要係甘講叫我地試咩試咩，之後就被催地叫左一碗三色餃子牛犇湯底，牛犇面，醉雞，豆漿。話說我係叫三色餃子，食落先知佢比錯全蝦餃我，不過算啦，佢啲餃都真係幾好食，有份量，真係有鮮蝦架！就黎食哂先記得影相，呢個醉雞份量多就多，但得個鹹字，又唔夠滑，唔洗試。Ps.因為我隻佬叫左牛犇面，但佢好快食哂，食完我先記得影相，我試左，我地都覺得好好食，牛肉多，面條好正宗，好入味另外，豆漿好好香豆味，唔會溝好多水 得個糖水味，豆漿好飲。------------------------------第二次食：話說因為我好想再食上次想食但冇食到既羊餃，所以我又同
一入去，四周擺設都好古色古香，傳統既中國餐廳，環境乾淨，但台與台之間太近，食客背靠背甘食野，話哂佐敦旺區，小店租貴，都算啦。但服務真係唔得，雖然佢地好熱情，得有點過火，我地一坐低，就問我地食咩，好似準備要你落order甘，我話未睇餐牌。隔一分鐘都冇，又第二個丫姐問我地食咩！唉，仲要係甘講叫我地試咩試咩，之後就被催地叫左一碗三色餃子牛犇湯底，牛犇面，醉雞，豆漿。
話說我係叫三色餃子，食落先知佢比錯全蝦餃我，不過算啦，佢啲餃都真係幾好食，有份量，真係有鮮蝦架！
就黎食哂先記得影相，呢個醉雞份量多就多，但得個鹹字，又唔夠滑，唔洗試。Ps.因為我隻佬叫左牛犇面，但佢好快食哂，食完我先記得影相，我試左，我地都覺得好好食，牛肉多，面條好正宗，好入味另外，豆漿好好香豆味，唔會溝好多水 得個糖水味，豆漿好飲。
------------------------------
第二次食：
話說因為我好想再食上次想食但冇食到既羊餃，所以我又同隻佬去食，今次係全羊餐，分別係羊汆面&羊餃。但我可以話比大家聽，呢碗羊面同羊餃真心好"穌"！！伏到一個點！！
我平日都好食得穌架啦，我都係夾硬食，我隻佬食食下，話想嘔，我問佢咩事，佢話可能啲羊太穌搞到 想反胃。真係激起我寫食評
總結：牛犇面同餃子真心係幾好食既，但其他野食真係好令人失望，可以用難食黎形容。另外，好趕客，2次黎食，由入座至埋單都係30分鐘內，好趕好迫好辛苦甘食。講起迫，好記得第二次食，有班外國人6位，為左快啲做佢地既生意，丫老闆可以張4人小台夾硬加多張台係出入通道，店內個出入通道迫到得返一隻手掌甘「闊」，其實坐係附近既食客真心危險，侍應仲要出出入入甘拎住熱辣辣既湯，作為食客，都觀察到其他食客既不安，但老闆可以完全唔覺得有問題？香港地租貴，有時出街食迫迫地都算，呢到台凳己經勁細張，食客背貼背甘食，呢次仲要係唯一出入口潛建，十級甘迫，真係接受唔到。做生意唔係甘做架！
張貼
