阿拉廚房 (已結業)

朋友講阿拉廚房原來有宵夜，每晚9：00後會有特價野食，咪去試下喎，五個人叫左9樣食品，包括楊州炒飯，担担麵，炸醬麵，回鍋炒牛肉，䓤爆雞肉配薄餅，口水雞，兩籠小籠包，高力豆沙。口水雞，佢係雞面淋左一D好似麻醬的辣汁，連同D雞一齊食，都吾錯，D雞都好滑。。。担担麵，我屋企人話好辣，但我就覺得好好味，D麵好幼滑，係其他地方食果D担担麵好多時都好重麻醬味，但依度味道剛剛好。。。炸醬麵，D炸醬好好味，同D麵真係絕配回鍋炒牛肉，覺得一般，可能太多椰菜，吾係太濃回鍋味，所以覺得似椰菜炒牛肉䓤爆雞肉配薄餅，用薄餅包住食，味道吾錯，但太多䓤，而且只得6件薄餅，吾係咁夠楊州炒飯，自己冇食，因為其他食物太好味，所以冇食，但見佢份量都吾少小籠包，一籠得三件，皮薄餡靚，吾易穿底，保留原汁原味，食小籠包當然要落醋，但D醋就配合吾到個小籠包，完全吾夾高力豆沙，佢哋好細心咁將糖粉分開上，自己選擇甜度，以我哋嚟講，當然係越甜越好，食落都好好味，作為飯後甜品的第一選擇所有食物絕對冇將貨就價，而且係即叫即做，嚟到仲熱辣辣。不過間舖就比較熱，好似冇開冷氣咁，一路食一路流汗。。。佢哋服務都尚算OK，食左咁多野，埋單都只係三佰多