上海姥姥 (已結業)

人是容易受引誘的動物，被門口招牌半價38蚊吸引了入去， 坐下來看畢餐牌最後點了48蚊餐再加飲品。入座流程舒服，1人光顧仍受到禮貌對待，沒有塞你埋角落頭再冷落你加零招呼。這一點感覺備受關心!!先嚟青瓜，爽脆凍，敗在唔夠味道，只見蒜頭食不到蒜香味。擔擔麵賣相好份量足，麵條韌度啱啱好，麻醬湯味，湯底微暖，如果熱啲更美好。48蚊只有以上兩樣食品，天氣乾燥加多杯滋潤飲品，變成完美的午餐。離開會提你記得攞齊嘢!!大集團會提呢句，買小見小。服務環境配套有五星， 味道要多下功夫。