影片
更多
2008-01-09
14 瀏覽
** 此食肆的第三個OK **今日(9-1-2008 Wed)又因之前唔記得諗食乜做早餐,記得前日某報紙贈送$5.00o既coupon,今日仍可以用,於是就o黎食個早餐.7點鐘落到o黎,冷氣好細,而只開兩個counters,人龍都算長,我揀o左$19.50o既精選早晨套餐要熱奶茶.將一張廿蚊紙連同張coupon一齊畀個收銀,但佢好似冇意識減$5.00咁,於是問佢係咪唔可以用o係呢個餐,佢至答:’啊,唔係,可以用o既,冇為意.’@@”咁都得?買完搵個位坐低,張枱唔係咁乾淨.算吧,學生多喇,冇乜位.打開杯熱奶茶先,淺啡色的,飲一啖,淡淡的又冇乜茶味,落一包糖都好似冇分別,蓋回它,因諗住食晒o野至飲.打開個’餐盒’一睇,嘩!縮晒水o既,完全唔似佢o地掛出o黎o既相,我先將一包士多啤梨塗上一件烘鬆餅,諗住可以塗得晒兩件,點知唔得.算啦.咁先食蛋,蛋唔滑同太乾,根本就唔係炒蛋,且冇落鹽,收銀亦冇畀鹽我,算啦,唔好食咁鹹啦.再食件豬柳,豬柳幾薄吓,大概有5mm厚,味道相比起冇味o既炒蛋,佢係鹹同因有胡椒而惹味,咁即係一啖炒蛋一啖豬柳間住o黎食或將蛋擺係豬柳上面一齊放入口食係最perfect啦.就咁
今日(9-1-2008 Wed)又因之前唔記得諗食乜做早餐,記得前日某報紙贈送$5.00o既coupon,今日仍可以用,於是就o黎食個早餐.
7點鐘落到o黎,冷氣好細,而只開兩個counters,人龍都算長,我揀o左$19.50o既精選早晨套餐要熱奶茶.將一張廿蚊紙連同張coupon一齊畀個收銀,但佢好似冇意識減$5.00咁,於是問佢係咪唔可以用o係呢個餐,佢至答:’啊,唔係,可以用o既,冇為意.’@@”咁都得?
買完搵個位坐低,張枱唔係咁乾淨.算吧,學生多喇,冇乜位.打開杯熱奶茶先,淺啡色的,飲一啖,淡淡的又冇乜茶味,落一包糖都好似冇分別,蓋回它,因諗住食晒o野至飲.
打開個’餐盒’一睇,嘩!縮晒水o既,完全唔似佢o地掛出o黎o既相,我先將一包士多啤梨塗上一件烘鬆餅,諗住可以塗得晒兩件,點知唔得.算啦.
咁先食蛋,蛋唔滑同太乾,根本就唔係炒蛋,且冇落鹽,收銀亦冇畀鹽我,算啦,唔好食咁鹹啦.再食件豬柳,豬柳幾薄吓,大概有5mm厚,味道相比起冇味o既炒蛋,佢係鹹同因有胡椒而惹味,咁即係一啖炒蛋一啖豬柳間住o黎食或將蛋擺係豬柳上面一齊放入口食係最perfect啦.就咁樣,食晒炒蛋同豬柳.到烘鬆餅啦,先食冇塗醬o個邊,又乾又韌;食埋有醬o個邊,算OK.不過其實件烘鬆餅幾油.
最後就係件薯餅喇,唔會令我失望吧?唔係太燶,依然夠熱,食落仍然同以前冇咩分別,外脆內軟,好彩冇退步到.
最後係飲埋杯熱奶茶,依然keep到咁熱(因冇乜冷氣),但真係好淡好淡,差勁.
味道其實只有2.5分,全靠件薯餅同杯奶茶o既溫度,注意:熱奶茶只係指溫度而唔係味道留返少少分.
環境:
真係好焗,我寧願外賣坐o係出面食重舒服.
服務:
都到o左繁忙時間啦,但只開2個couters,真奇怪.因冇為意到coupon,要扣分,所以應該只有2.5分.
抵食:
我覺得呢個餐o既份量只夠小朋友,而且冇改錯名,名副其實’精選’早晨套餐.而只因有coupon我至o黎;亦好彩有coupon,否則正價$19.50真係好唔抵.張coupon真係令人又愛又恨.
加上以口味o黎計,我覺得麥當勞真係只o岩青少年同小朋友.
其他:
外賣袋由以前o既紙袋變o左做膠袋;早餐餐盒個蓋由以前o既膠蓋變o左做紙蓋,即係對環保冇進亦冇退.
張貼