辛安東元祖奶奶雞

話不多說，當日叫咗 - 安東元祖雞 (半隻) 小辣、燒肉生菜包、炮兵鍋
安東元祖雞 ($138) - 下面尐粉一PAT漿咁黐埋晒一齊，個料除咗食到好似鹵水汁+甜鼓油+辣，已經食唔出食乜，半隻雞 (我估佢隨便執夠件數就算)，因為..碟嘢有2隻雞上髀、1隻雞中翼、1隻雞翼尖、半個雞胸 (切成幾份)、一條雞頸，仲有...半嚿上髀骨頭，配生蔥、薯仔、紅蘿蔔、青瓜。 其實算得上係幾難食吓。

炮兵鍋 ($88) - 個湯好似辛辣麵開稀3倍左右，麵上到嚟已經淋晒，裡面得幾粒仔午餐肉、半條腸仔，同埋菜菇已經乜都冇。我食完個心就諗起 $128 餐蛋飯 (異曲同工)
燒肉生菜包 ($68) - 食最正常嗰個，香香嘅BBQ味 (應該係用BBQ汁調出嚟)，唔辣嘅泡菜，下面仲有半張唐生菜...呀...三樣之中，最正常係呢個。

食完勁口渴，我同我太太，兩個人飲咗佢兩支水 (兩支都係全滿，俾我哋飲晒)，再出咗去便利店買嘢飲