JK Brother’s (已結業)

自從去完韓國旅行回來，好掛住韓食，就上網找找日韓放題餐廳回味一下。間餐廳用手機落order幾方便，上菜都算快。食物方面，基本都有齊，特別在這間有活八爪魚刺身同日本清酒飲。活八爪魚刺身好新鮮，上檯時仲郁郁下咁，加麻油同豉油好好食。醬油蝦肉質結實，加咗醬油突顯蝦的鮮味。蒜香燒生蠔燒得剛好，惹味！三文魚頭燒得脆口，連魚骨都可以食埋。牛油粟米清淡好味又健康。貓山王榴槤炸彈一咬開即刻散發出陣陣幽香榴槤味，外脆內軟。整體來說服務跟食物質素不錯，會再光顧！