樂天大喜屋 (已結業)

呢幾日天氣凍到人都癲，覺得人體需要靠進食大量食物而補充熱量，於是收左工果斷約同事一齊食放題！有同事食過呢間樂天大喜屋，評價都唔錯，於是我地就二話不說決定去呢間！原本去到創興，樓下唔知發生咩事條人龍長到霸左半條行人路，我原本仲驚緊自己係咪都要排埋一份，但望一望地址，好彩今次間放題係二樓！完全唔洗理條人龍，直接係扶手電梯上！因為天氣凍，所以我地對魚生都無乜熱情，反而對佢其他既嘢食仲感興趣！首先我個人十分推薦呢個沙嗲雞串，不嬲食雞串都係好細件，但呢到既雞串勁大舊，我第一下見到都唔發現佢係雞串！呢個雞串仲有醬一齊上，個配搭好特別，我同班同事都幾中意，每人食多左一串(一串已經好多！)另外佢啲熱食都好吸引，我地叫左兜花甲，佢個汁好香，好有豆豉味，而且上個陣真係熱辣辣，我地食完肉再吮埋殻啲汁，真係幾滋味，而且又唔亞個胃，都幾值得一試！佢都烤菠蘿都好值得一讚，我食過其他放題既烤菠蘿都會有個皮，但呢到啲烤菠蘿係無皮架！！可以一啖放曬入去！！燒得恰當好處，而且唔會酸，我自己都啪左三件。最後佢啲壽司係最值得試，雖然可能有人覺得食放題食壽司好傻，但我覺得呢到真係要試，第一佢飯既比例好適中，唔會多。第二佢啲配搭