喜越 (已結業)

又發現了新食店，一直對越南野都又愛又恨，因為全部都係澱粉質😂見到佢哋既試業餐單真係令人肚打鼓，每一樣都好想食😂最終千揀萬㨂叫左法飽，懷念一下係會安既感覺。法飽脆皮係必須的，但係佢哋連醬汁都係秘制的，即係出面食唔到！仲加埋香料同醃菜，會安既味道即刻出曬黎，仲有啖啖肉既香濃叉燒，加上扎肉，整個既法飽香味及口感層次即刻提升！每一咪都食到不同既食材，每一啖都有新既配搭體會，醬汁既酸甜香厚既滑溜感，真係令人食唔停口，胃口大開。另一值得推介的是柚子蝦沙律，蝦啖啖肉，不失鮮味，加上腰果同花生碎令柚子的清新感更豐富。仲有係牛肉串燒，本身已經醃得好入味，再慢火細烤，juicy 得黎外皮香脆。最正係佢哋既花生沙嗲醬，香濃得黎不肥膩，仲每一點都有花生碎粒的加入，使牛串更有香口的口感。食越南里點少得生牛河啊！份量十足，肥牛份量好似食極都食唔曬咁。牛汁濃厚使整碗麵都變左深啡色，每一啖都有牛香氣❤️配上一杯以新鮮的薄荷及青檸，薄荷味十足既薄荷青檸特飲，令整個人都refresh 一下！如果唔怕辣既朋友可以嘗試桂皮香草茶，唔好睇佢細細杯，但桂枝味香濃，而獨特既味道配上香茅既清爽感，令整杯香草茶有種清潤得黎既辣刺激，真係