Opa Mediterranean Bar and Bistro (已結業)

地中海就聽得多，但地中海菜就真係咁大個仔都好似未試過，今日同朋友行到攰攰地見到間環境幾舒服既餐廳就試一試，做好安心出行同埋量體溫就入座了。我地就先叫左個tapas小食傾陣計飲下野，就係墨西哥脆玉米片-水牛城辣雞肉。脆玉米片的確香脆可口，而且玉米片既顏色係紅色同黑色，非常特別，雞肉口感嫩滑且撕成碎片，帶些少辣味，非常開胃，再加埋面頭既牛油果醬，三樣野配搭起黎口感層次豐富而且分明，送酒一流！跟住傾傾下計都見到好多其他枱既客人都叫左樣掛起左既串燒，問番staff先知係海鮮拼盤串燒，裡面包括有三文魚、吞拿魚、大蝦等食材，海鮮鮮味足夠，而且因為係燒既原因，令肉汁鎖死，表面亦燒得夠香口！而串燒既最外層淋上左醬汁，令串燒食落口更加juicy！之後仲叫左個Margherita，薄餅餅底夠薄，令邊位超級脆口，唔洗食到咁多面粉味，芝士夠多，切開時做到拉絲效果，而且面頭仲有額外加上芝士粉，令芝士味更濃郁更多層次感，而且羅勒葉味道特出之餘又唔會搶走芝士既味道，兩者十分匹配！仲有不得不提既燻鴨意大利飯，燻鴨燻至香口，熟度剛好唔會燻得乾口。而最吸引就係個意大利飯，飯質軟熟程度都做得好好，唔會食到生米，而且配埋醬汁