花月宮 (已結業)

餐廳環境舒適，裝飾帶古風，同朋友傾謁食飯都好啱。見到佢應該仲有房，同埋一啲卡位，多人少少自成一角幾好。檸檬薏米水檸檬薏米水，酸酸甜甜，又可以去濕，比可樂汽水嗰啲健康好多。花月宮特色四格鍋四格鍋一次過就可以試晒四隻味，入面有四川麻辣鍋，藥膳花雕花膠醉雞鍋，黑松露野菌鍋，蕃茄濃湯海鮮鍋。 食得辣嘅朋友推介佢哋嘅四川麻辣鍋，入邊有鴨血，吸左啲麻香嘅味道，好好食。而蕃茄濃湯海鮮鍋入邊亦都有唔少海鮮，佢嘅花膠醉雞會另外一碟上，雞件好香花雕味道。美國頂級手切封門柳封門柳既 marble 好靚，肉質口感軟滑，亦都有牛味，最抵讚嘅係，佢嘅厚薄適中，好有滿足感。風花雪月手打丸拼盤見到人哋叫呢個拼盤好靚，好啱打卡，入邊有六款唔同口味嘅手打丸，個人最鍾意就係手打鮑魚丸，口感彈牙實在，入面亦加入鮑魚粒粒，所以鮑魚嘅鮮味會出啲，口感亦都豐富啲。稻庭烏冬稻庭烏冬口感彈牙，佢好襯花雕醉雞既湯底。