麻辣仙宮 (已結業)

奧運一向係港漂嘅集中地，開咗好多川菜餐廳。呢個鵝腸超好食。鵝腸用滷水汁醃過，好香花椒八角味，用芽菜薦底。鵝腸爽脆入味，入邊啲脂肪刮得好乾淨，一啲都唔覺得肥，必叫！另叫咗一個午市香鍋和酸菜魚。香鍋揀咗牛黃雞肉，雞肉有少少乾，牛肉醃得很入味。成個碗都是辣椒，以為很辣，其實只係擺盆，麻香味很出。酸菜魚份量都幾多，但容器和干鍋一樣，感覺就不值。酸菜魚無骨，內有萵筍和水晶粉。最後甜品叫冰粉加雪糕，冰粉加入提子乾花生，向後和口感煙韌。一路食辣嘢，一路食冰粉，可以舒緩口腔麻辣嘅感覺，冰冰涼涼好舒服，每次食辣嘢都會叫一碗。