西關老祖 (文苑樓) (已結業)

無意之中行經哩間好有驚喜嘅小店，純白色簡潔嘅店面反而更吸引我停駐門前八卦下😆😆「西關老祖」主打古法特製嘅美食，希望可以保留古法最原始嘅味道唔好失傳嘅理念一定要支持。小店主要係以外賣為主，但店內仍然有少量位置俾大家即時享用美食😆可惜小妹經過嘅時候已經食完午餐，但竟然仲有最後一底嘅自家製老祖秘傳瑤柱蘿蔔糕，命中注定要特將佢帶返屋企，最特別嘅係佢唔係用普通嘅塑膠盒而係陶瓷盤，可以入蒸爐焗爐仲好環保，加哂分👍🏻👍🏻蘿蔔糕好足料，面頭鋪滿瑤柱碎絕不手軟，仲好有分量，有齊哂蘿蔔糕嘅主要靈魂，蝦米🦐、臘腸、臘肉等齊哂，而且好實淨唔會一切就散哂，無論蒸定煎都可以保持原有嘅靚仔樣👍🏻 每一啖都食得出好足料，蘿蔔嘅清甜加上蝦米臘腸臘肉嘅鹹香，加埋辣醬同XO醬仲加分。重點係香港🇭🇰製造而且包裝絕不馬虎，新年前要訂幾底嚟送禮先👍🏻下次要再到訪試埋其他古法炸糭先😆