刈Bao台式創意小食 (已結業)

刈包又可以稱為台式漢堡，台灣好有代表性傳統小吃，傳統刈包會夾上滷五花肉、花生粉、梅乾菜作為餡料，不過呢到就創作新料理，用上手撕牛和麻辣雞作為餡料，非常惹味☺️除左刈包，仲有人氣地瓜球、鹽酥雞、花枝丸等等，好似去左台灣夜市一樣－－－－－1. 古早味腩肉刈包 $32 7.5/10攞上手都熱辣辣，即點即製入面夾住肥美腩肉、菜同大量蒜蓉，腩肉幾腍🤤好易咬開，刈包雪白軟綿，食落唔算黏牙，不過醬汁多一點會好d，味道唔會太膩2. 手工黃金芋丸 $30 6/10叫左一份有5粒芋丸入面夾住鹹蛋黃同大甲芋泥，粒粒都脹卜卜，外型不錯，不過一切開發現鹹蛋黃比例佔好少，主要淨係食到芋泥味😖