古早味澎湖台灣 (已結業)

每個星期日都煩惱中午去邊度食飯，估唔到亞仔會建議嚟呢度，之前都嚟過一兩次，可能佢覺得都係台式食物啱胃口。我都特登同佢商量之前試過邊啲菜式今次可以試吓其他唔同嘅菜式，睇下佢哋邊一款做得比較好啲。啊仔揀咗滷肉飯，佢哋嘅滷肉飯係半肥瘦嘅豬肉切細條，食落去唔會太肥膩；我幾鍾意前菜嘅酸梅，食完之後零舍開胃想食多啲嘢！我今次點了古早味滷排骨麵，佢哋嘅炸排骨嘢炸唔錯，同炸雞扒嘅方法一樣，而可能係湯麵嘅原因，有一陣好香嘅花椒八角滷水味，但係又唔會好搶，面底係粗面算淋亦有咬口。黑糖珍珠奶茶少甜之後嘅甜度就啱啱好，但珍珠就普普通通。仙草奶茶即係涼粉加奶茶，水準中上。我見其他分店係用堂食杯，唔知點解呢間嚟食幾次都係用外賣膠杯上飲品。