大圍小館

營業中

休息中

最近同屋企人黎左大圍e 間小館食飯，店外已經有一串串的紅燈籠😍好古式，諗起武俠片嘅客棧☺️入到小館，好闊落👍🏻每枱都有消毒洗手液同有一大張透明膠膜分隔枱☺️我地睇到餐牌平時比較少見嘅中式巧手菜。仲有套餐可以揀👍🏻我地揀左以下幾款😋😋第一叉（半份）真係一試難忘，叉燒係半肥瘦脢頭肉，食落好甘香，唔會好肥，因為慢烤，所以肉汁好豐富。仲帶炭燒味❤️🥰金腿片上湯扒娃娃菜金腿係金華火腿，味道咸咸香香，用上湯配埋娃娃菜，食落又岩岩好👍🏻😆娃娃菜仲要超翠綠香濃腐乳炒蝦球🦐伴西蘭花🥦平時去酒樓多數用蝦醬去炒蝦球，今次帶一次食用腐乳炒，味道出奇咁夾😍仲帶出蝦球嘅鮮味，蝦球超大隻🥰西蘭花🥦加少少腐乳好好味🤤睇返餐牌先知用左本地老牌腐乳去煮😆薑米蒜香籠仔蒸蟹飯🦀籠仔飯主打係原汁原味，小館用荷葉墊住底部，加上薑蛋白飯，落大羔蟹全隻一齊蒸。最後先加炸蒜。我地先夾起蟹，再將飯同蒜拌一拌，食落好香食到蟹嘅鮮味😍蟹超多羔同肉😋😋我喜歡拆左蟹肉一齊食🥰仲有甜品送🥰係椰汁陳皮紅豆糕😋😋椰汁糕滑滑香香椰香味，紅豆糕部份唔會好甜，帶少少陳皮味😎