新籽田會館 (已結業)

新籽田會館 尖沙咀山林道38號銀座9樓近排食得太多肉，難免覺得有d肥膩，今次同友人食飯專登揀左比較清淡健康既淮揚菜。淮揚菜係蘇菜既代表派系，亦係中國四大菜系之一，菜品風味以還原主要食材，回歸本源為主，同時，著重原材料質素及刀功。前菜⭐️油燜香筍清淡爽口，油而不膩⭐️桂花糯米藕口感粉糯帶少少煙韌，入口有淡淡桂花清香，清甜得來又唔會過甜😋⭐️重慶口水雞雞肉幾嫩滑⭐️蓮藕花生豬骨湯熱辣辣又足料，味道鮮甜😍飲完成個人暖晒☺️⭐️揚州糯米燒賣（六粒，$18/隻）口感煙韌，軟硬適中，除左米香，細仔咀嚼下仲有浸菇菌香😋記得襯熱食先可以品嚐到最佳狀態😉⭐️大盆花菜$188花菜爽脆帶微辣，比市面既辣炒花菜少油，無咁肥膩。⭐️揚州大煮乾絲$288友人第一眼以為係麵，仔細望落原來係豆乾😳大廚將豆乾切到幼細如絲，可見刀功了得👍🏻粗幼度與冬菇、火腿、菜苗、雞絲相約，令口感更平均，而且可以令豆乾更易吸收其他食材既味道，味道以清淡為主，感覺零負擔。