九份茶舍 (已結業)

葵涌廣場出名美食林立，甜食鹹食種類繁多，今次試咗九份茶舍嘅台式芋圓，整體都唔錯。我地揀咗四色仙草芋圓，四色芋圓包括地瓜、芋頭紫薯、抹茶。不過我估佢冇抹茶芋圓，而換咗水蜜桃芋圓俾我地，但就無同我地講。因為水蜜桃芋圓粉紅色，都幾搶眼，而且水蜜桃個酸味幾重所以令我好深印象。芋圓口感非常Q彈，煙煙韌韌，同正宗台式口感一樣👍🏻仙草份量好多，配搭埋寒天條，一淋一爽好得意！整個甜品甜度適中，紅豆份量都足夠，不會有甜到漏入唔到口的感覺。$39雖然不算太平，但總算真材實料，值得繼續支持。