囍記車仔麵

平時路過都見唔少客人，可能位於廟街隔離，好受遊客歡迎。試過夜晚十點幾，見到仲食緊野嘅街坊都唔少。今次閒日中午時段去，都係人山人海，仲有旅客拖住筴都排隊食。要左清湯配油麵，湯好普通，腩汁味道唔出。友人揀左辣汁，食落都幾辣下。
兩人一共揀左幾款餸：肥牛：普通質素，煮得過老。雞翼豬頸肉：正常，蘿蔔：有渣，得一兩件係甜嘅。咁多款餸入面得牛肚夠入味，係出色啲。另外要多左份牛𦟌，可惜係筋位同肉嘅比例差左啲，咬落去冇牛𦟌應有嘅口感。整體呢間車仔麵都比我想像中普通，勝在係環境好啲咁解。