影片
更多
2023-10-13
177 瀏覽
2023年10月4日(星期三)中午平日時段去堂食，用QR code 落單後15分鐘之後，見隔離遲入座嘅食客陸續收到點餐食物，我就追問一位長髮女店員，要求跟進落單，但無任何回覆。過咗幾分鐘，我再追問一位男店員，男店員了解完後就話嘢食準備緊。其間，我見其他食客都話QR Code 落唔到單，店員就話QR code 故障。咁我再掃下個QR code ，睇到我係落咗單。當時已大概下午1時30分，我同男店員講，如果3分鐘再未有嘢食就取消單，因為office lunch hour 都就完。男店員走開一陣就番嚟同我講，我無落到單！！咩事呢？！呢位男店員一時話整緊，一時話無落單？跟住我要求男店員解釋到底我嘅單發生咩，男店員就一個轉身射個三分波走開咗，無再回頭。因為我當時坐近收銀女店員附近，又見呢位收銀女店員指揮其他後生嘅店員做嘢，我估佢似係senior ，咁我就問收銀女店員可唔可以幫我跟下張單，點知呢位收銀女店員裝聾扮啞！！！？？？佢完全無視我，無正面望過我一眼，連基本一句唔好意思請等等都無。呢間餐廳員工的態度完全令人十分不滿，無系統、無禮貌嘅服務，直頭受罪級。事後電郵該公司反映黃竹坑分店所發生嘅問題，
事後電郵該公司反映黃竹坑分店所發生嘅問題，間公司只係回覆會叫店長培訓吓下屬，又話收銀女店員唔係店長，但到宜家都未答我店長當日喺唔喺舖？點解無協助處理咁混亂情況？如果呢間公司嘅管理層睇到呢個留言，請你哋正視下你哋分店嘅員工質素。
3 瀏覽
0 讚好
0 留言
張貼
