太平飯店 (已結業)

星期日放假 諗唔到食乜 ，本身想食 近碼頭嘅 日本餐廳， 不過成三點幾鐘 ，餐廳已經落場 ，天氣又熱，所以都唔 想再周圍行 ，就去隔離嗰間 太平飯店坐低， 睇下有乜食。見到有個午餐餐牌 ，有 潮州鹵味飯，亦可以轉米粉 ，咁我就嗌咗個 豬頸肉雙拼腩肉米粉 。等食之際 ，我同老公見到 有個下午茶餐牌 ，當時已經三點幾鐘啦， 而且個下午茶餐牌仲有 我頭先叫嘅嘢食 （一模一樣），下午茶餐比午餐平咗十蚊， 於是我就問個阿姐 可唔可以轉。 行到過去收銀處 ，未問佢已經將佢自己嗰張單， 達賴我個餐牌度， 仲好粗魯咁講咗一句 ：「落咗喇喎 」，我心諗：落左唔可以改？？？？其實佢落單嗰陣時都知道有下午茶餐 ，但係冇諗住提我哋 ，過到去問佢 ，仲咁鬼冇禮貌 ！其實啲嘢幾好食都假！！ 服務態度差成咁 ，真係食到一肚氣！！成間鋪頭 啲職員全部都喺度掛住賭馬 ，呢啲餐廳真係影衰曬香港人 佢哋老闆請著呢啲人 ，真係多得佢地唔少！