黃大仙雞翼尖 (已結業)

見到呢度嘅門口外面排住長長嘅人龍，好奇心作祟就走去望下。知道呢度主打賣雞翼尖，但其實我係唔鍾意食雞翼尖嘅，咁我就買另一樣食物啦。魚肉碗仔翅（$20）拎到返屋企慢慢嘆，依然熱騰騰，唔錯。呢碗碗仔翅好足料，肉絲冬菇絲木耳絲，同埋我另加嘅魚肉，份量夠，又抵食。落埋麻油、紅醋同胡椒粉，成碗碗仔翅香噴噴，超吸引。湯頭調味適中，唔會太鹹。要挑剔嘅係佢落得太多澱粉，太杰了，變左食到一半好似一pat pat咁，漿得滯。