友利冰室 x 勿當奴 (D2 Place TWO) (已結業)

炎炎夏日，仍然無損香港人熱愛打邊爐嘅程度😄😝D2 Place呢間友利冰室 x 勿當奴，相信好多朋友仔都唔陌生👍價錢相宜、食物質素有一定水準，係唔少人嘅飯堂😎湯底有三款可供選擇，分別係麻辣雞、酸菜魚、花膠雲吞雞，前兩者係出街一班人飯聚嘅熱門選擇🤣🤣🤣今次人少少，一於揀花膠雲吞雞😄花膠雲吞雞，湯頭非常鮮甜，湯底望落都幾足料！湯底有齊花膠、雞件、雲吞、蔬菜，今餐真係夠晒營養喇😀除咗主菜之外，仲會附上一大盤配料，材料配搭幾多元化👏豆腐用上安曇野絹豆腐，係近年越來越流行嘅日本盒裝豆腐之一😼證明餐廳對於食物質素、來源地有一定要求，唔會因為係平價火鍋套餐而慳錢👍相比起市面餐廳嘅一般豆腐品種，呢隻豆腐絕對更加滑溜、柔軟😋飲品櫃有玻璃樽汽水，真係零舍唔同，比起罐裝、枝裝更加爽🥤仲有餐廳自家製茶品🧋加$10就有北海道出前一丁，湯底咁濃郁，食埋個麵先過足癮🤩最後仲送上每人一客Movenpick，有幾款味道可以選擇，認真滿足🥳🥳